Verbum

ФРЫ́ДРЫХ ВІЛЬГЕ́ЛЬМ II (Friedrich Wilhelm; 25.9.1744, г. Патсдам, Германія — 16.11.1797),

кароль Прусіі [1786—97]. З дынастыі Гогенцолернаў. Пляменнік Фрыдрыха II Вялікага, бацька Фрыдрыха Вільгельма III. Знаходзіўся пад уплывам сваіх міністраў. У 1788 увёў цэнзуру, абмежаваў свабоду веравызнання. У 1792 заключыў саюз з Аўстрыяй, які паклаў пачатак кааліцыі еўрап. манархаў супраць рэв. Францыі. Адзін з ініцыятараў другога падзелу Рэчы Паспалітай (1793) і трэцяга падзелу Рэчы Паспалітай (1795), у выніку якога да Прусіі адышла частка зах.-бел. зямель.

т. 16, с. 484